Getxoko udalerrian kalez kaleko salmentari buruzko ordenantza berria egiteko kontsulta publikoa - BUKATUTA

Administrazio Publikoen Administrazio Prozedura Erkidearen urriaren 1eko 30/2015 Legearen 133. artikuluak jartzen duena betez, ordenantzaren proiektua egin aurretik kontsulta publikorako epe bat irekitzen da.

Hiritarren eta aldaketaren eragina jasan dezaketen erakundeek, hau Udalaren web orrian argitaratu (urriak 19) eta biharamunetik 15 egun naturaleko epean, hau da, 2022/11/03ra are, beraien ekarpenak egin ditzakete Zeugaz "plataforma" honen bidez edo idazki bat aurkeztuz, honako bide hauetakoren baten bitartez:

• Aurrez aurre Getxoko Herritarren Arretarako edozein bulegotan (aldez aurretiko hitzorduarekin): hitzordua
• Posta arruntez, helbide honetan: Herritarren Segurtasunerako Arloarentzat (Babes zibila), Foru kalea 1, 48992 Getxo: inprimakia
• Getxoko Udalaren web orriko Administraziio Elektronikoko Bulegoan eskuragarri dagoen Erregistro Telematikoaren bidez: lotura

a) Ekimenaren bidez konpondu nahi diren arazoak

Salmenta Ibiltariari buruzko indarrean dagoen Udal Ordenantza laurogeita hamarreko hamarkadaren erdialdean onartu zen, eta udalerri osoan kalez kaleko salmenta egiteko debeku orokorra ezarri zen.

Ondoren, Udalak debeku orokor horren salbuespen batzuk onartu zituzten, kasu horien jai-izaera tradizionala eta/edo izaera herrikoia kontuan hartuta. Geroago, salbuespenak zabaldu ziren, eta zenbait kasutan kalez kaleko salmenta baimendu zen.

Ordenantza indarrean sartu zenetik, jarduera mota horren eskaria gero eta handiagoa da udalerrian, modalitate guztietan, eta kontsumitzaileen eta erabiltzaileen jardueran inplikatutako pertsonen eskaria ere aldatu da, behar berriak sortuz. Eskari hori lehen sektoreko produktuen aldizkako merkatua ezartzean gauzatu da, nekazaritza-sektorea, hain zuzen ere.

Bai egungo ordenatza indarrean jarri zenetik igarotako denborak, bai ekainaren 25eko 7/2008 Legeak Merkataritza Jarduerari buruzko maiatzaren 27ko 7/1994 Legean (EAE) egindako aldaketek, bai eta Zerbitzuen 2006/123/EE Zuzentararuak, kokatzeko eta zerbitzuak emateko askatasunari buruzkoak, ezarritakoak ere bai, gai hori arautzen duen udal-araudia orokorrean berrikustea justifikatzen dute, eguneratzeko eta lege-esparru berrira egokitzeko, bai eta kontsumitzaileek eta inguruko faktore ekonomiko eta sozialek eskatutako aldaketetara egokitzeko ere.

b) Onartzeko beharra eta egokitasuna

Azaldutako arazoak konpontzeko, beharrezkoa da Kaleko Salmentari buruzko Ordenantza berria onartzea. Era berean, arau berriak argitasuna eta segurtasun juridikoa ematen ditu, testu bakar batean jasoko duen kaleko salmentaren erregulazio osoa, eta baimendutako eta debekatutako kasuen irismena zehaztuko du.

Azken batean, epe luzerako indarraldia izango duen ordenantza bat sortu nahi da, udalerriko errealitate sozio-ekonomiko berrira egokitua eta merkataritza-jardueraren erregulazioa kalez kaleko salmentaren modalitatean jaso duena.

c) Arauaren helburuak

Hauek dira arauaren helburuak:

1. Kalez kaleko salmentaren arloan indarrean dagoen legeriara egokitzea, bai eta aplikatu beharreko beste gai batzuetara ere.
2. Testu bakar batean biltzea kaleko salmentaren kasu arautzaile guztiak, eta horiek ekarriko du tokiko arau-esparru eguneratu bat izatea, egungo eta etorkizunerko beharrei erantzungo diena.
3. Getxoko Udalari kalez kaleko salmentarako baimenak emateari buruzko prozedurak laguntzea.
4. Merkataritza- eta zerbitzu-jardueretan inplikatutako pertsonen segurtasun juridikoa indartzea.

d) Egon daitezkeen beste aukera arautzaile eta ez-arautzaile batzuk

Erregulazio-mailan, beharrezkoa da udalerrian sortutako tokiko araudi erregulatzaile bat izatea. Adibidez, merkatu ez-sedentarioak antolatzeko eta kudeatzeko modalitateak edo merkataritza-praktika berriak ezartzea kaleko salmentaren eremuan. Hori guztia arlo horretan aplikatu beharreko indarreko legeriaren arabera.

Ez da bestelako irtenbide alternatiborik identifikatzen.