Getxoko Udal Artxiboaren araudi berria egiteko ekarpenak jasotzeko kontsulta publikoa (PROZESUA AMAITUTA)

Udalak Getxoko Udal Artxiboaren araudi berria egiteko proiektua du.

Administrazio Publikoen Administrazio Prozedura Erkidearen urriaren 1eko 39/2015 Legearen 133. artikuluan xedatutakoa betez, kontsulta publikorako epea irekitzen da, ordenantzaren proiektua egin aurretik, ondoren adierazten diren aldeei buruz.

Aldaketaren eraginpeko diren herritarrek eta interes legitimoen ordezkari diren antolakundeek ordenantza berrirako ekarpenak egin ditzakete testu honen amaieran azaltzen den moduan betiere 15 egun naturaleko epean.

- Araua onartzeko premia eta helburuak

Udalbatzak 2013ko urriaren 29an onartu zuen Udal Artxiboaren azken araudia, gaur egun indarrean dirauena.

Ordutik hona izan da lege aldaketarik, bai dokumentuen kudeaketa integralari eta dokumentu-ondareari dagokienez, bai administrazio-prozedurari eta administrazio publikoen araubide juridikoari dagokienez, bai eta aplikatu beharreko beste gai batzuei dagokienez ere.

Azken urteotan onetsitako lege horiei egokitzea helburu izango du araudi berriak, izan ere, lege horiexek ematen digute etorkizuneko beharrizanei erantzuteko bidea, bitarteko eta euskarri elektronikoen kasuan, esaterako.

- Balizko konponbide arautzaileak eta ez arautzaileak

Araudi mailan, indarrean dagoen legerian oinarritutako tokiko araudi erregulatzailea eduki behar da, Getxoko Udal Artxiboaren zerbitzuak normalizatu eta arautuko dituena.

Lortu nahi diren helburuak erdiesteak berekin dakar 2013ko urriaren 29ko araudia indargabetzea.

Ez da beste irtenbiderik identifikatzen.

- Parte hartzeko bidea

Behar bezala identifikatuta eta iragarki honen online galdetegia beteta zuzenduko dizkiete iritziak eta iradokizunak Idazkaritza Nagusiko Zinegotzigoari eraginpean egon daitezkeen herritarrek eta ordezkaritza-erakundeek.

Ekarpenak egiteko epea 15 egun naturalekoa izango da, iragarki hau argitaratu eta hurrengo egunetik hasita.