Udal-jabari publikoa okupatzeagatiko Tasa arautzen duen Ordenantza Fiskala aldatzeko (H epigrafea) trakzio mekanikoko ibilgailuak aparkatzea udal-bide publikoetan

Administrazio Publikoen Administrazio Prozedura Erkidearen urriaren 1eko 39/2015 Legearen 133. artikuluan xedatutakoa betez, kontsulta publikorako epea irekitzen da, aipatutako ordenantza fiskala aldatzeko proiektua egin aurretik, jarraian adierazten diren alderdi hauei buruz.

Herritarrek eta ordezkaritza-erakundeek, aldaketaren eragina jasan dezaketela uste badute, beren iritziak helarazi ditzakete 2022/10/09ra arte Zeugaz plataformaren bidez edo idazki bat aurkeztuz, honako bide hauetakoren baten bitartez:
•    Aurrez aurre, Getxoko Herritarren Arretarako edozein bulegotan (aldez aurretiko hitzordua): helbideak
•    Posta arruntez, helbide honetan: Foruen kalea 1, 48992 Getxo
•    Getxoko Udalaren web orriko Administrazio Elektronikoko Bulegoan eskuragarri dagoen Erregistro Telematikoaren bidez: erregistroa

 Ekimenaren bidez konpondu nahi diren arazoak eta aldaketaren helburuak

2022an indarrean sartu zen aparkatzeko zerbitzu arautua erregulatzen duten ordenantzen aldaketa eta horiek erabiltzeagatiko tasa. Aldaketak zerbitzua udalerriko beste eremu batzuetara zabaltzea ekarri zuen. Araudi berri horren ondorioz, aparkalekuen erabilera ekitatiboa ahalbidetuko luketen beste kasu batzuk hauteman dira, hori guztia Hiri Mugikortasun Jasangarriaren Planak (PMUS) horretarako ezarritako neurriak kontuan hartuta.

Orain aztertzen ari garen aldaketaren bidez, kasu berri horiek sartu nahi dira araututako aparkatze-zerbitzuaren erregulazioan, eta, ondorioz, beharrezkoa izango litzateke tasaren tarifak onartzea jabari publikoaren erabilera berri horiek ordaintzeko.

Onartzeko beharra eta egokitasuna

TAO baimentzeko kasu berriek berariazko tarifa bat behar dute tasa arautzen duen ordenantzan. Aparkaleku-zerbitzu arautuaren ordenantza aldatzearekin batera onartu behar da. Ordenantza hori izapeidetzen ari da gaur egun.

Arauaren helburuak

Tarifak onartzea Araututako Aparkatze Zerbitzuaren Udal Ordenantzaren erregulazioan sartzen diren kasu berrietarako.

Egon daitezkeen beste aukera arautzaile eta ez-arautzaile batzuk

Ez dago beste aukerarik planteatutako neurriak hartzeko; izan ere, Toki Ogasunei buruzko abenduaren 16ko 9/2005 Foru Arauan xedatutakoaren arabera, udalerrietako bideetan trakzio mekanikoko ibilgailuak aparkatzeagatiko tasak ezarri behar dira horretako zehazten diren eremuetan, eta ezar daitezkeen mugekin, dagokion ordenantza fiskala onartuz edo aldatuz.