Aurrekontu Parte-Hartzaileak 2025

Irailaren 12tik 22ra egingo da 2025eko Aurrekontu Parte-hartzaileen bigarren fasea. Getxoko herritarrek urtarrilaren 25etik otsailaren 18ra bitartean egin zen lehen fasean hautatutako zortzi proiektuak bozkatu beharko dituzte. Lehen fase horretan 1149 pertsonak hartu zuten parte, eta 1248 galdetegi osatu eta 1572 ekarpen baliodun egin zituzten. Proiektu horiek gauzatzeko, Udalak milioi bat euroko partida gorde du gehienez.

Udaleko teknikariek ezarritako jarraibideak betetzen direla aztertu ondoren, eta ezarritako prozedurarekin bat etorriz, baliozko ekarpenak interes orokorrekoak diren zortzi proposamenetan gauzatu dira, gure udalerriko hainbat eremu eta auzo barne hartuta. Azterketa horren ondorioz, 8 proiektu hautatu dira, eta orain Getxoko herritarrek baloratuko dituzte. Eta zortzi proiektu horietatik aterako dira, Getxoko herritarrek aukeratzen dutenaren arabera, azkenean 2025eko Aurrekontu Parte-hartzaileetara bideratutako partidaren kontura gauzatuko direnak.

Nork har dezake parte?

1. Getxon erroldatutako 16 urtetik gorako edozein pertsona.
2. Getxoko Udaleko erakundeen erregistroan inskribatutako edozein erakunde.
3. Edozein elkarte, fundazio, sindikatu, enpresa-elkarte, elkargo profesional, zuzenbide publikoko korporazio edo bestelako erakunde, baldin eta, legearen arabera, nortasun juridikoa esleituta badu eta egoitza soziala edo establezimendu iraunkorra Getxon badu.

Nola har dezake parte?

Parte hartu daiteke paperezko inprimakien bidez eta online bozketaren bidez Zeugazen. Paperezko inprimakietan parte hartzeko (Getxoko etxeetan postontzietan jasoko dira), honako bide hauek erabil daitezke (GARRANTZITSUA: botoa bide bakar batetik eman daiteke, edo paperetik edo online):

Hauteskontziak

► Algortako eta Areeta / Romoko Herritarren Arretarako Bulegoak (OAC)

► Fadura eta Gobela kiroldegiak

► Algortako Kultur Etxea , Romo Kultur Etxea eta San Nikolas Liburutegia

Informazio-moduluak (ordutegiak: 11.00 - 14.00/17.00 - 20.00)

► Fadurako kiroldegiko ataria: irailak 12

► Algortako geltokiko plaza: irailaren 12, 13 eta 14an

► Bidezabaleko Anbulatorioko plaza: irailaren 16, 17 eta 18an

► Areetako geltokiko plaza: irailaren 19, 20 eta 21ean

Postontziak

Formularioa Algorta, Bidezabal eta Bentako geltokien inguruan egokitutako postontzietan utziz. Udal lokaletan hautetsontzi bat jartzeko inprimakiak daude.

Kanala digitala:

Plataforma honetan gaitutako bozketa-formularioa betez

Eskerrik asko parte hartzeagatik eta laguntzeagatik! Zu bezalako inork ez ditu hobeto ezagutzen Getxoko beharrak!!