Hirilurren balio igoeraren gaineko zerga arautzen duen ordenantza fiskaleko aldaketari egindako ekarpenak BUKATUTA

#AportaciónOrdenanza Ordenantzarako ekarpenak

1 fasetatik 1.a

I.Fasea (Ekarpenak) BUKATUTA 2021/12/23 - 2022/01/15

Haz tu aportación hasta el 15 de enero de 2022.

Udalak Hiri Lurren Balio Gehikuntza Zergapetzen duen Zerga arautzen duen Ordenantza Fiskala aldatzeko proiektua du.

Administrazio Publikoen Administrazio Prozedura Erkidearen urriaren 1eko 39/2015 Legearen 133. artikuluak ezartzen duena betez, kontsulta publikorako epea irekitzen da aipatu den ordenantza fiskala aldatzeko proiektua egin aurretik. Kontsulta jarraian adierazitako alderdiei buruzkoa da.

Aldaketak uki ditzakeen herritarrek eta ordezkaritza-erakundeek 2022/01/15era arte bidal ditzakete beren iritziak.

Zein dira ekimenarekin konpondu nahi diren arazoak eta zein dira aldaketaren helburuak?

2021/11/17an argitaratu eta indarrean jarri zen azaroaren 16ko 7/2021 Foru Dekretu Arauemailea, Hiri Lurren Balio Gehikuntzaren gaineko Zergari buruzko ekainaren 30eko 8/1989 Foru Araua Konstituzio Auzitegiak zerga horri dagokionez hartu berri duen erabakira egokitzen duena.

Xedapen iragankor bakarrak zehazten du zerga ezarria duten udalek (Getxoko Udalaren kasuan, esaterako) sei hilabeteko epean aldatu beharko dituztela beren ordenantza fiskalak, foru dekretu honek indarra hartzen duenetik hasita, bertan xedatutakoari egokitzeko.

Ordenantza epe laburrean aldatu beharra arestian aipatu den 7/2021 Foru Dekretu Arauemailearen Xedapen Iragankor Bakarretik dator. Foru araudian xedatutakoaren arabera, tributuen erregulazioa dagokion ordenantza fiskala onartuz edo aldatuz egin behar da.