Laguntza

Parte-hartzaile izaerako prozesu bat jarduera parte-hartzaileen sekuentzia bat da (adibidez: lehengo inkesta bat bete, ondoren proposamenak egin, eztabaidatu aurrez aurre edo topaketa birtualetan eta, azkenik, lehentasunak eman), eta helburua du gai zehatz batean erabakiak definitzea eta hartzea.

Prozesu parte-hartzaileen adibide batzuk:

  • batzorde bateko kideen aukeraketa-prozesua: lehenengo hautagaiak aurkeztu, ondoren eztabaidatu, eta, azkenik, hautagaiak aukeratu egiten dira;

  • aurrekontu parte-hartzaileak: proposamenak egin, ekonomikoki baloratu eta botoa eman zenbat diru dagoen kontuan hartuta;

  • plangintza estrategikoaren prozesua;

  • araudi edo arau baten lankidetza-proiektua;

  • hiri-espazio baten diseinua;

  • politika publikoen plana

Prozesuaren faseak

Fase honetan, jendaurrean aurkezten da parte-hartze prozesua, haren irismena, egutegia eta parte hartzeko moduak. Gainera, plataforma honetan gune bat irekitzen da abonatuek, herritarrek eta kirol klubek ekarpenak egin ditzaten.

Fase honetan, bi topaketa parte-hartzaile egingo dira. Horien bidez, identifikatutako beharrak ekarpen berriekin alderatuko dira, kirol-esparruen eta -diziplinen arabera sakonduko da, eta etorkizuneko frontoi-eraikinaren benetako beharrak zein diren ulertuko da. ✍️ Izena eman lan saioetan

Plataforma horrek parte-hartze digitala errazten jarraituko du, eta abonatuek, herritarrek eta kirol-klubek ekarpenak egin ahal izango dituzte.

Parte-hartze topaketak amaitu ondoren, Getxo Kirolake-k jaso eta itzultze-dokumentu batean argitaratuko diren ekarpenak aztertuko ditu, emaitza nagusiekin eta ekarpenak nola bildu, multzokatu eta kontuan hartu diren azalduz.

Lan hori oinarria izango da beharren programaren zirriborro bat definitzeko. Ondoren, programa hori egiaztatu eta baliozkotu egin beharko da ikuspuntu teknikotik, antolakuntzakotik eta aurrekontuekotik.

Fadurako frontoien eraikinaren parte-hartze prozesua

Thinking Fadura. Getxoko herritarrekin batera eraikitzen ari den parkea

Zure propsamena sortu!

Sakatu play! Jarri erritmoa parte-hartzeari eta sentitu energía! Entzun hemendik aurrera parte hartzeko prozesuak lagunduko dituen musika. Animatu eta hartu parte!

Egileak: Lore Rouco eta Rubén G. Mateos kolaborazioa Derechos reservados

Hasiera-data / Bukaera-data

04 Eka 2026 / 30 Aza 2026

Oraingo fasea

Prozesu honi buruz

Getxo Kirolak-ek herritarren parte-hartze prozesu bat jarri du abian, Fadurako frontoien eraikina berritzeko etorkizuneko beharrak eguneratzeko.

Prozesuaren helburua, abonatuekin, herritarrekin eta klubekin batera, ekipamenduak zer kirol-espazio, espazio osagarri, zerbitzu-espazio eta harremanetarako espazio behar dituen identifikatzea da, udalerriaren egungo eta etorkizuneko erabilerei erantzuteko. Halaber, irisgarritasunari, segurtasunari, jasangarritasunari, funtzionaltasunari eta eraikinaren erabilerako bizikidetzari lotutako irizpideak txertatzeko aukera emango du.

Ekimen hau Thinking Faduraren esparruan garatzen da, kirolgunea eraldatzeko proiektuaren barruan, eta jarraipena ematen dio 2018an kirol-parkearen eta haren instalazioen berdiseinu orokorrerako egindako aurretiazko lanari, eraikinaren antolamendurako hasierako proposamenak identifikatzea ahalbidetu baitzuen. Fase berri honetan, helburua programa funtzional bat zehaztea da, eraikinaren etorkizuneko aurreproiektu arkitektonikoa bideratzeko oinarri gisa balio dezan.

Topaketa parte-hartzailean parte hartzeko aurretiko izen-ematea beharrezkoa izango da, plataforma honen bidez esteka honen bitartez.

Fadurako etorkizuneko frontoien eraikina kirol-ekipamendu balioaniztun gisa planteatzen da. Horregatik, prozesuak hainbat kirol-modalitateri eta espazioa erabiltzeko modu desberdinei lotutako beharrak jasoko ditu. Horretarako, hainbat parte-hartze espazio gaituko dira kirol-jarduerarekin zuzenean lotutako eragileei zein herritar interesdun guztiei zuzenduta.

Prozesua amaitu ondoren, Getxo Kirolak-ek itzulera-dokumentu bat argitaratuko du emaitza nagusiekin eta ekarpenak nola jaso eta multzokatu diren azaltzeko. Lan hau beharren programa definitzeko oinarri izango da, ondoren, Getxo Kirolak-ek teknikoki, antolaketa-mailan eta aurrekontuari dagokionez kontrastatu eta baliozkotu beharko duena.

Ideiak, proposamenak eta ekarpenak beren interesaren, bideragarritasunaren eta proiektu osoarekiko osagarritasunaren arabera aztertuko dira. Ez dira babes-kopuruaren arabera ezta bozketa-sistema baten bidez baloratuko. Hemen kontsulta ditzakezu eraikinaren ezaugarriak.

Zer erabakitzen da?

Frontoien eraikinaren beharren programa

Nork hartzen du parte?

Getxo Kirolak-eko abonatuak, kirol klub eta elkarteak, eta interesa duten eta udalerriarekin lotura duten pertsona guztiak.

Erakundeko Arloa

Parte-hartzea eta komunikazioa

Talde sustatzailea

Getxo Kirolak

Erreferentzia: GTX-PART-2026-06-40