Nola parte hartu
🧭Nola parte hartu eta zein proposamen pasa daitezke bozketara
Gau Beltz Gaztea 2026 ekimenak 16 eta 34 urte bitarteko Getxoko gazteak gonbidatzen ditu Halloween gaueko kultur programazioa proposatzera, hobetzera eta bozkatzera.
Prozesua hainbat fasetan garatuko da:
Proposamenak aurkeztea. Pertsona bakoitzak gehienez hiru ideia kultural edo artistiko aurkeztu ahal izango ditu online plataformaren bitartez.
Aurrez aurreko topaketa parte-hartzailea. Proposamenak aurrez aurreko saio batean partekatu eta landuko dira TikiToki Zentroan, eta kolektiboki eztabaidatu, osatu eta aberasteko aukera izango da.
Balorazio teknikoa. Getxo Kulturako talde teknikoak proposamenak aztertuko ditu, haien funtsa errespetatuz birformulatuko ditu eta ikuspuntu teknikotik hobetuko ditu, bideragarritasuna bermatzeko. Prozesu horretatik, gehienez zortzi proposamen finalista hautatuko dira.
Herritarren bozketa. Getxon erroldatutako gazteek proposamen finalistetako bat bozkatzeko aukera izango dute.
Emaitzak eta garapena. Behin emaitzak argitaratuta, Gau Beltz Gaztea 2026 programa garatzen hasiko da.
🗳️Bozketa egiteko, proposamenek baldintza hauek bete behar dituzte:
Kultur edo arte izaerakoak izatea: arte eszenikoak, musika, dantza, ikus-entzunezkoak, instalazioak, sormen tailerrak edo antzeko jarduerak.
Oso-osorik Getxoko udalerrian garatzea.
2026ko urriaren 31ko 19:00etatik azaroaren 1eko 02:00etara bitartean egingo da.
Giza Eskubideak eta indarrean dagoen araudia errespetatzea, batez ere euskararen, gazteriaren, berdintasunaren, ingurumenaren eta droga-mendekotasunen arloan.
Teknikoki eta ekonomikoki bideragarriak izatea, gutxi gorabehera hiru hilabeteko epean gauzatu ahal izatea eta eskura dagoen aurrekontu-zuzkidurari egokitzea.
Eusko Jaurlaritzaren edo beste organo eskudunen Babes Zibil, Joko eta Ikuskizunetarako beharrezko baimenak lortu ahal izatea.
Behar bezala zehaztuta egotea, titulua, jarduera mota, artistak edo erreferenteak, hartzaileak eta gutxi gorabeherako lekua barne.