Getxo Txukun 2021 - Auzoz Auzo, kalez kale

Prozesuaren gunean erroldatuta bazaude eta 16 urte baino gehiago badituzu parte hartu ahal izango duzu. 

• Presentzialki: Zure ingurua hobetzeko iradokizunak idatzita postontzian jasoko duzun ebakigarrian. Bestela, hemen-en deskargatu eta inprimatu dezakezu. Ondoren, toki hauetan jarri diren hiru postontzi gorrietan sartuta: Makaleta etorbidearen eta Ezkieta kalearen arteko bidegurutzean, Telleria kaleko parkean (metroko irteera) eta Zumardia kaleko parkean.
• Online: Plataforma honen bidez (Erregistratu egin behar da. Jada erregistratuta dauden pertsonek, gune horretan bizi direnek eta parte hartu nahi dutenek, berriz ere balioztatu beharko dute erregistroa).

Zer jasoko dugu "Getxo Txukun" programan? Jarduketa txikietarako dagoen aurrekontuarekin inguruan egin daitezkeen hobekuntzak.

Programa honetan zer ez da sartzen?

1. Jarduera estrategikoak, esate baterako, kaleak, parkeak edota auzoak berriz urbanizatzea, guztiz
2. Ekipamendu handiei, kiroldegiari, igerilekuei, kultur zentroei eta abarri lotutako eskaerak
3. Teknikoki edota ekonomikoki bideragarriak ez diren proposamenak
4. Udalaren eskumenekoak ez diren esku hartzeak

Jasotako iradokizun guztiekin zer egingo dugu? Iradokizunak teknikoki kuantifikatu, aztertu eta baloratuko dira, lehentasunak jartze aldera, eta egin daitezkeen proposamenetan esku hartzeko egutegi bat ezarriko da.

Emaitzak nola itzuliko dira? Prozesu honetako emaitzak txosten batean islatuko dira, eta hori udal webgunearen bidez ikusi ahal izango da. Horrez gain, inguruko etxeetara bidaliko da postaz.